02 October, 2018

What is really Gur ?


ਅਸਲ ਵਿੱਚ ਗੁਰ ਕੀ ਹੈ ?

What is real Gur ? ਅਸਲ ਵਿੱਚ ਗੁਰ ਕੀ ਹੈ ?


ਗੁਰਬਾਣੀ ਨੂੰ ਸਮਝਣ ਲਈ ਪਹਿਲਾਂ ਗੁਰ ਨੂੰ ਸਮਝਣਾ ਬਹੁਤ ਜਰੂਰੀ ਹੈ | ਬਾਣੀ ਦਾ ਅਰਥ ਬੋਲੀ ਹੁੰਦਾ ਹੈ, ਤੇ ਗੁਰਬਾਣੀ ਗੁਰ ਦੀ ਹੀ ਬੋਲੀ ਹੁੰਦੀ ਹੈ |

ਗੁਰ ਦਾ ਮਤਲਬ ਹੁੰਦਾ ਹੈ ਢੰਗ, ਤਰੀਕਾ ਜਾਂ ਵਿਧੀ |

ਸੰਸਾਰ ਵਿਚ ਕੋਈ ਵੀ ਕੰਮ ਕਰਨਾ ਹੋਵੇ ਉਸਦਾ ਗੁਰ ਜਾਨਣਾ ਬਹੁਤ ਜਰੂਰੀ ਹੈ | ਜੇਕਰ ਕਿਸੇ ਕੰਮ ਨੂੰ ਕਰਨ ਦਾ ਗੁਰ ਪਤਾ ਲੱਗ ਗਿਆ ਤਾਂ ਕੰਮ ਆਸਾਨੀ ਨਾਲ ਹੋ ਜਾਂਦਾ ਹੈ |

ਇਸੇ ਤਰਾਂ ਹੀ ਗੁਰਬਾਣੀ ਨੂੰ ਸਮਝਣ ਦਾ ਵੀ ਗੁਰ ਹੁੰਦਾ ਹੈ | ਉਹ ਹੈ  ਸੱਚ ਸੰਤੋਖ ਦੀ ਵਿਚਾਰ | ਵਿਚਾਰਨਾ ਜਾਂ ਰਿੜਕਣਾ ਹੀ ਗੁਰਬਾਣੀ ਦਾ ਗੁਰ ਹੈ |

ਮੁਧਵਣੀ (ਮਧਾਣੀ) ਦੀ ਵਾਰ ਜੋ "ਆਦਿ ਗ੍ਰੰਥ" ਦੇ ਬਿਲਕੁਲ ਅਖੀਰ ਵਿਚ ਲਿਖੀ ਗਈ ਹੈ ਵਿਚ ਪੰਚਮ ਪਾਤਸ਼ਾਹ ਨੇ ਇਹੀ ਦੱਸਿਆ ਹੈ ਕਿ ਜੇਕਰ ਸਾਰੇ ਗ੍ਰੰਥ ਨੂੰ ਇਕ ਥਾਲ ਮੰਨ ਲਿਆ ਜਾਵੇ ਤਾਂ ਇਸ ਥਾਲ ਵਿਚ ਕੇਵਲ ਇੱਕੋ ਹੀ ਵਸਤੂ ਪਾਈ ਗਈ ਹੈ, ਉਹ ਹੈ ਸਤਿ ਸੰਤੋਖ ਦੀ ਵਿਚਾਰ |

ਇਹ ਵਿਚਾਰ ਕਰਨ ਲਈ ਬੰਦੇ ਦਾ ਸੱਚਾ ਤੇ ਸੰਤੋਖੀ ਹੋਣਾ ਬਹੁਤ ਜਰੂਰੀ ਹੈ, ਕਿਉਕਿ ਆਤਮਿਕ ਚਿੰਤਨ ਭਾਵ ਵਿਚਾਰਨਾ ਵਿਵੇਕ ਬੁਧਿ ਤੋਂ ਬਿਨਾ ਨਹੀਂ ਹੋ ਸਕਦਾ ਤੇ ਵਿਵੇਕ ਬੁਧਿ ਸੰਤੋਖੀ ਬੰਦੇ ਕੋਲ ਹੀ ਹੁੰਦੀ ਹੈ | ਜਾਂ ਇਹ ਪਰਮੇਸ਼ਰ ਦੀ ਨਦਰਿ ਨਾਲ ਮਿਲਦੀ ਹੈ |

ਵਿਵੇਕ ਬੁਧਿ ਨੇ ਹੀ ਸਾਰ ਗਿਆਨ ਭਾਵ ਤੱਤ ਗਿਆਨ ਕੱਢਣਾ ਹੈ ਸੰਸਾਰੀ ਘਟਨਾਵਾਂ ਨੂੰ ਵਿਚਾਰਕੇ ਜਾਂ ਫਿਰ ਗੁਰਬਾਣੀ ਨੂੰ ਵਿਚਾਰ ਕੇ | 

ਇਹ ਵਿਚਾਰਨਾ ਹੀ ਰਿੜਕਣਾ ਹੁੰਦਾ ਹੈ ਤੇ ਰਿੜਕਣ ਤੋਂ ਬਾਅਦ ਜੋ ਪ੍ਰਾਪਤ ਹੁੰਦਾ ਹੈ ਉਹ ਤੱਤ ਗਿਆਨ ਹੁੰਦਾ ਹੈ, ਉਸਨੂੰ ਮੱਖਣ ਵੀ ਕਿਹਾ ਹੈ ਗੁਰਬਾਣੀ ਵਿਚ |

ਇਹੀ ਗੁਰ ਪ੍ਰਸਾਦਿ ਹੁੰਦਾ ਹੈ ਭਾਵ ਗੁਰ ਤੋਂ ਪ੍ਰਾਪਤ ਹੋਇਆ ਪ੍ਰਸਾਦਿ |

ਹੁਣ ਹੋਰ ਵੀ ਸੰਸਾਰਿਕ ਕੰਮ ਸਿੱਖਣ ਲਈ ਉਸਦਾ ਗੁਰ ਸਿੱਖਣਾ ਜਰੂਰੀ ਹੁੰਦਾ ਹੈ, ਜਿਵੇਂ ਡਰਾਇਵਰੀ ਸਿੱਖਣ ਲਈ ਡਰਾਇਵਰੀ ਦਾ ਗੁਰ, ਚੋਰੀ ਸਿੱਖਣ ਲਈ ਚੋਰੀ ਦਾ ਗੁਰ ਤੇ ਪੜ੍ਹਾਉਣ ਲਈ ਪੜ੍ਹਾਉਣ ਦਾ ਗੁਰ | ਇਸ ਤਰਾਂ ਸੰਸਾਰ ਵਿਚ ਹੋਰ ਵੀ ਗੁਰ ਹਨ | ਪਰ ਗੁਰਬਾਣੀ ਇਸ ਸੰਸਾਰ ਨੂੰ ਸੁਪਨਾ ਮੰਨਦੀ ਹੈ ਤੇ ਇਸਦੇ ਕੰਮਾਂ ਨੂੰ ਝੂਠੇ ਤਾਂ ਫਿਰ ਬਾਕੀ ਸਾਰੇ ਗੁਰ ਝੂਠੇ ਹੋਏ ਤੇ ਮਨੁੱਖ ਦਾ ਇੱਕੋ ਅਸਲ ਕੰਮ ਹੈ ਆਪਣੇ ਮੂਲ ਨੂੰ ਪਛਾਣਨਾ (ਬ੍ਰਹਮ ਗਿਆਨ) ਤੇ ਉਹ ਜਿਸ ਵਿਧੀ ਨਾਲ ਹੁੰਦਾ ਹੈ ਉਹ ਹੈ ਗੁਰਬਾਣੀ ਦਾ ਗੁਰ, ਇਹੀ ਸੱਚਾ ਗੁਰ ਹੈ | ਇਸ ਲਈ ਇਸਨੂੰ ਗੁਰਬਾਣੀ ਵਿਚ ਸਤਿਗੁਰ ਵੀ ਕਿਹਾ ਗਿਆ ਹੈ ਭਾਵ ਸੱਚਾ ਗੁਰ | 

ਇਸ ਸੱਚੇ ਗੁਰ ਨੂੰ ਵਰਤ ਕੇ ਜੋ ਫ਼ੱਲ ਪ੍ਰਾਪਤ ਹੁੰਦਾ ਹੈ ਉਸ ਸਾਰ ਗਿਆਨ ਨੂੰ ਗੁਰ ਪ੍ਰਸਾਦਿ ਕਿਹਾ ਗਿਆ ਹੈ ਅਤੇ ਕੁਝ ਥਾਂਵਾਂ ਤੇ ਗੁਰ ਨੂੰ ਔਂਕੜ ਨਾਲ (ਗੁਰੁ) ਵੀ ਲਿਖਿਆ ਗਿਆ ਹੈ, ਇਸਦਾ ਅਰਥ ਵੀ ਗੁਰ ਤੋਂ ਪ੍ਰਾਪਤ ਹੋਇਆ ਤੱਤ ਗਿਆਨ ਹੀ ਹੁੰਦਾ ਹੈ |

ਅੱਜ ਕੱਲ ਕੋਈ ਵੀ ਧਾਰਮਿਕ ਪ੍ਰਚਾਰਕ ਇਸ ਗੱਲ ਨੂੰ ਨਹੀਂ ਦੱਸ ਰਿਹਾ | ਇਸੇ ਕਰਕੇ ਹੀ ਗੁਰਬਾਣੀ ਦੀ ਕਿਸੇ ਨੂੰ ਸਹੀ ਸਮਝ ਨਹੀਂ ਆ ਰਹੀ | ਸ਼ਾਇਦ ਪ੍ਰਚਾਰਕਾਂ ਨੂੰ ਖੁਦ ਨੂੰ ਹੀ ਨਹੀਂ ਪਤਾ ਕਿ ਗੁਰ ਕੀ ਹੁੰਦਾ ਹੈ ਤੇ ਗੁਰਬਾਣੀ ਦਾ ਗੁਰ ਕੀ ਹੈ ?

ਲਿਖਣ ਵਾਲੇ ਨੇ ਜੋ ਵੀ ਸਿਖਿਆ ਗੁਰਬਾਣੀ ਤੋਂ ਹੀ ਸਿਖਿਆ ਤੇ ਉਸਦਾ ਫਰਜ ਹੈ ਹੁਣ ਉਹ ਹੋਰਾਂ ਨੂੰ ਵੀ ਇਸ ਬਾਰੇ ਦੱਸੇ | ਇਸੇ ਲਈ ਇਹ ਕੋਸ਼ਿਸ਼ ਕੀਤੀ ਗਈ ਹੈ | ਉਮੀਦ ਹੈ ਕਿ ਗੁਰਬਾਣੀ ਦੇ ਗੁਰ ਨੂੰ ਹੁਣ ਪੜ੍ਹਨ ਵਾਲੇ ਸਮਝ ਗਏ ਹੋਣਗੇ | ਹੁਣ ਅੱਗੇ ਤੁਹਾਡਾ ਕੰਮ ਕਿ ਗੁਰਬਾਣੀ ਨੂੰ ਇਕੱਲਾ ਪੜ੍ਹੋ ਨਾ, ਵਿਚਾਰੋ ਵੀ | ਅੱਗੇ ਸਾਰਾ ਕੁਝ ਆਪ ਹੀ ਪਤਾ  ਲੱਗ ਜਾਂਦਾ |

------------

ਜਾਗ ਲੇਹੁ ਰੇ ਮਨਾ ਜਾਗ ਲੇਹੁ ਕਹਾ ਗਾਫਲ ਸੋਇਆ...


ਗੁਰਬਾਣੀ ਨੂੰ ਖੋਜਣਾ ਜਾਂ ਵਿਚਾਰਨਾ ਕਿਉ ਜਰੂਰੀ ਹੈ? Why is it important to search or logical analyze Gurbani?

ਗੁਰਬਾਣੀ ਨੂੰ ਖੋਜਣਾ ਜਾਂ ਵਿਚਾਰਨਾ ਕਿਉ ਜਰੂਰੀ  ਹੈ? Why is it important to search or logical analyze Gurbani? ਗੁਰਬਾਣੀ ਸਿਰਫ ਪੜ੍ਹਨ ਜਾਂ ਨਿਤਨੇਮ ਕਰਨ ਲਈ ...